बैठकीची खानदानी लावणी !!
पहाटेला जाग आली, झोप चुरली
माझ्या श्वासामधे तुझी, कथा उरली !!
सोडलेले केस, पाठीवर मोकळे
पापण्यात बंद, ओले कच्च शिंपले
उशीखाली कासाविस, सजा उरली १
स्पर्षाने दाहक, पदरात चेतली
सूर्या आधी, चांदरात, काल मातली
अंगावरी माझ्या, तुझी घुमे मुरली २
नको घेउस कवेत, राजसा पुन्हा
माझ्या उरात काहुर, सावळा गुन्हा
तुझ्या मिठीची निखार, सय उरली ३
Friday, August 14, 2009
Subscribe to:
Post Comments (Atom)
No comments:
Post a Comment