अमिताभ बच्चन आणि मी
परवा भेटले अमित अंकल
सहा फ़ुट शहेनशहा,
दीवार-शोले-एंथनी,
अभिमान बादशाहा !!
म्हटले काका, लिहीतो मी
गद्य पद्य हाणतो मी....
आशीश द्या अमितजी
प्रोफ़ेशनल वागतो मी !!
चाळल्या काही कविता
हसुन खर्जात बोलले ते
आई शप्पथ...जगलो मी
मनात शब्द घुसले ते...!!
मला म्हणले डियर बच्चा
साच्यामधे अडकू नकोस
कैलिडोस्कोप हो बाळा
लिहीत राहा सारे सकस !!
प्रेम-भक्ती-शक्ती लिही
प्यार-मार-यार लिही
आई-ताई-बाई लिही
तारे-वारे-सारे लिही....!!
प्रेमकवी बनु नकोस
देवदास होउ नकोस
पिटामधल्या टाळ्या घे
पोटासाठी लिहू नकोस !!
सारं सारं सारं लिही
उंब-यामधे राहु नकोस
सागर बन कवितेचा
नाल्यासारखा वाहु नकोस !!
थैंक्स म्हणले बच्चन दा
टाईपकास्ट होणार नाही
लिहीन सारे, वाचेन सारे
एकसुरी होणार नाही.....!!
जुग जुग जियो बोलले अंकल
ठेवला हात डोक्यावरती
कभी कभी मेरे दिलमे
उगाच विचारांची भरती.....!!
Friday, August 14, 2009
Subscribe to:
Post Comments (Atom)
Bharee re...
ReplyDeleteface to face Bachhan she bolalyaacha feel aala!