श्री स्वामी समर्थ !!

श्रीस्वामी समर्थांचे मला भावलेले रुप...

तू, निळ्या मेघातला निराकार वेग
तू, जणू सावली, सद्गुरू, माझे जग
तू, भास माधवाचा, त्रिगुणी कृतार्थ
तू, भास्कर, मार्तंड, श्री स्वामी समर्थ !!

तू, अमृत चंदन, त्रिखंड पालक
तू, सावळा, सोवळा, ब्रह्मांडनायक
तू, अथांग, अद्भूत, अनंतकोट ..
तू, अक्कलकोटी, शतसूर्यांचा झोत !!

तू, अकार, मकार, गकार राजस
तू, ओंकार, प्रवाळ, सगुण तेजस
तू, नेणिव, राणीव, जाणीव चाहूल
तू, योग अवधूत, ब्रह्मांड पाउल !!