मी चिरंजीव आहे.......
मी सह्याद्रीची ढाल
घेउनी फ़िरतो.......
मी सागरातली लाट
बनुनी तरतो........
मी बरसणारा मेघ
होउनी गातो.......
मी नक्षत्रांच्या गावामधला आहे
मी चिरंजीव, मी चिरंजीव आहे !
मी माउलींची ओवी
बनुनी जगतो........
तुकयाची मी गाथा
होउनी तरतो.......
मी रामसेतुचा दगड
होउनी वाहतो......
मी ब्रह्मलोकीच्या तीर्थामधला आहे
मी चिरंजीव, मी चिरंजीव आहे !
मी शिवबाची तलवार
होउनी जगतो.........
मी कृष्णाकाठी
माती मधूनी फ़ुलतो........
मी सायंकाळी
ज्योतीमधूनी उरतो.....
ब्रह्मसमयी मी, भैरवातला आहे
मी चिरंजीव, मी चिरंजीव आहे !
Subscribe to:
Post Comments (Atom)
No comments:
Post a Comment