प्रत्येकाला एकदा तरी असा सचिन भेटणे आवश्यक आहे !!
सचिन तेंडल्या !!
पूर्णपणे हारलो होतो
कोप-यामधे बसलो होतो
डोळे सुजले, मान झुकली
ररडरड रडलो होतो....!!!!
झालो मोकळा मनापासुन
भावना होत्या कोंडल्या...
जीव देण्या चाललो होतो
समोर आला .. सचिन तेंडल्या !!
का रे मित्रा बोलला तो
मान का झुकली आहे
अपयशाचे अंकगणित
कधी कोणा सुटले आहे ?
नको रडुस, चल उठ
ताठ उंच उभा राहा
मावळणारा सूर्य बघ
त्याच्याकडे रोखुन पाहा !
सावली सुध्दा लांब जाते
पक्षीसुध्दा घरी येतात
सागरलाटा बारीक होत
आत आत निघुन जातात....!
अरे लोकं बोलतातच
हारल्यावरती टोचतातच
जिंकल्यावरती डोक्यावरती
घेउन बेभान नाचतातच !
उतू नकोस मातू नकोस
घेतला वसा टाकू नकोस
जर तुला माहित आहे
कधी अपयश टाळू नकोस !
सूर्याची शपथ घे
मावळून पुन्हा पूर्वेची
ओहोटीत न रडता
भरतीवाल्या दर्याची !!!
जिंकशील मित्रा खरं सांगतो
माझ्यावरती विश्वास ठेव
आरशाशी तू खरं बोलं......
बाकी सारं पाहिल देव !
चल उठ वरती बघ......
माथी सूर्य तळपत आहे
क्षितीज हारणार तुझ्यापुढे
नजतेत सारे झळकत आहे !
मात्र एक लक्षात् ठेव
जिंकल्यावरती विसरू नकोस
मातीला आणि आईला
कधी अंतर देउ नकोस...!
थैंक्स सच्च्या, म्हणले मी
हसत हसत निघुन गेला
एकलव्यासाठी तेंडल्या
द्रोणाचार्य बनुन गेला.....!!
Friday, August 14, 2009
Subscribe to:
Post Comments (Atom)
No comments:
Post a Comment