गप्पा मॄत्युदेवतेशी....!!
ती येते आणि म्हणते, चला आता माझ्याबरोबर... तेव्हाचे काही क्षण !!
शरपंजरी आज मी..एक दक्षिणायन ! या ऒर्कुटवरील स्पंदन काव्यशृंखलेच्या पुस्तकात असणारे, रविंद्र साठे यांनी गायलेले हे भीष्माचे मृत्युगीत......
संगीत : प्रशांत कुलकर्णी !!
येतो तोडुनी धागे सारे, तुझ्यासवे मी लांब,
अडले पाउल उंब-यावरती, येतो, पळभरी थांब..!!
मातीमधली माझी नाती
शांत दिव्याच्या मंगल ज्योती
ज्योतीला का अंधाराचा
कधी लागला थांग.... येतो, पळभरी थांब !!
तुझ्या कुशीत निजुन माउली
ओढुनी घ्यावी निळी सावली
कुठे होतीस माय माझी ग
आजवरी तू सांग..... येतो पळभरी थांब !!
उरले केवळ प्रश्नच आता
नुरली गीता, नुरली सीता
थरथरणा-या आसवाचेही
तुला मागतो दान..... येतो पळभरी थांब !!
Subscribe to:
Post Comments (Atom)
No comments:
Post a Comment